أسرار الحرم اللي هتوفر عليك تعب وزحمة

عايز تنزل المطاف بسرعة للطواف حوالين الكعبة؟ ادخل من بوابات: 45، 63، 79، 100. دي غالبًا بتوصلك مباشرة للصحن، خصوصًا للمحرمين.

عايز تصلي فوق في السطح أو الأدوار العلوية؟ اتجه مباشرة لبوابات: 66، 84، 90، 91، 92، 93. وهتلاقي السلالم المتحركة مكتوب عليها: “الطوابق العلوية / الروف”.

معاك شنط أو أمتعة ومحتاج تسيبها؟ أماكن حفظ الأمتعة:

• عند بوابة الملك عبدالعزيز (بوابة 1)، بجوار WC2.
• عند بوابة الملك فهد (بوابة 79).
• مقابل بوابة 64 (الحوش الغربي).
• بجوار مكتبة مكة المكرمة (الحوش الشرقي).

ضاعت منك شنطة أو موبايل أو محفظة؟ مكتب المفقودات: اخرج من جهة المروة، وامشِ لحد ما تعدي WC9، هتلاقي المكتب جنب مكتبة مكة المكرمة (منطقة بيت المولد القديم).

محتاج كرسي متحرك مجاني للطواف؟ دور عند:

• مداخل أجياد الجانبية.
• منطقة بوابة الملك عبدالعزيز.
• مداخل المسعى.
• نقاط الخدمة داخل الحرم.

وقول للموظفين: “كرسي متحرك مجاني للطواف”.

إزاي أحجز عربات الطواف والسعي؟ ادخل من جهة أجياد، روح بين WC2 وWC3 هتلاقي المنفذ، واطلع الدور الثاني. هناك:

• امسح QR.
• وصّل الواي فاي.
• اتبع خطوات الحجز.

السعر الجديد: 300 ريال للعمرة الكاملة (طواف + سعي) بدل 250 ريال.

احفظ المنشور ده، هيفيدك جدًا وقت الزحمة والتنقل داخل الحرم.

#جميلانكم_أنت_بالمصدر #المسجد_الحرام #الطواف #السعي #مكة #الحرم_المكي #عمرة #حج #جميلانكم_دليلك_للسفر_والبيت_العتيق

عبدالرحمن جميل بلغكم الله مكة بكرمه وفضله وجوده وإحسانه